Previous Next

Франция Қарулы Күштеріне 3 және 4-ші MQ-9 «Рипер» ҰҰА-ны жеткізуге арналған келісімшартқа қол қойылды.

«Шетелдік әскери сату» бағдарламасы аясында қол қойылған келісімшарттың құны 123 миллион АҚШ долларын құрады. Жұмыстар  Повэй қаласындағы (Калифорния) компания кәсіпорнында жүргізіледі және 2020 жылғы 1 мамырға дейін толығымен аяқталуы тиіс.

ӘҚСТО мәліметтері бойынша, 2013 жылғы 27 маусымда АҚШ Қорғаныс минінің (DSCA) қауіпсіздік саласындағы ынтымақтастық жөніндегі агенттігі Конгреске «Шетелдік әскери сату» бағдарламасы шеңберінде Францияға жалпы құны сол кезде 1,5 млрд. долларға бағаланған 16 MQ-9 «Рипер» ұшқышсыз ұшу аппараттарын, тиісті жабдықтар мен қызметтерді жеткізуді жоспарлар отырғандығын хабарлады.

2013 жылғы тамызда дайындалған «2014-2019 жылдарға арналған әскери бағдарламалар туралы заң» Францияның Қарулы Күштері үшін төрт кешенді сатып алуды көздеді, олардың әрқайсысының құрамына үш АҰҰА кіреді. Олардың құны 670 миллион еуроға (шамамен 874 миллион доллар) бағаланған. Барлық 12 аппарат 2019 жылға дейін қарулануға қабылданатын болады және 2023-2025 жылдарға дейін пайдаланылады деп күтілуде, содан кейін Франция еуропада әзірленген ҰҰА-ны сатып алуға ниетті.

«Риперді» сатып алған кезде айтылғандай, бастапқы кезеңде ҰҰА барлауға пайдаланылатын болады және оларды қарумен жабдықтау мүмкіндігі кейінірек қарастырылады.

 2013 жылғы желтоқсанда Франция Корғаныс министрлігі бірінші «Рипер» ұшқышсыз авиациялық кешенің (ҰАК), оның ішінде екі ҰҰА және жер үсті бақылау станциясын алды. Франция Қорғаныс министрлігі MQ-9 «Рипер» ҰҰА негізіндегі екінші ҰҰА-ны жеткізуге тапсырысты 2015 жылғы шілдеде, үшіншісін – 2015 жылғы желтоқсанда, төртіншісін – 2016 жылғы желтоқсанда  орналастырды. Екінші кешенді жеткізу 2017 жылғы қаңтарда басталды.

Жеткізілген ҰҰА-ны тұрақты орналастыру орны 709-шы «Коньяк» авиабазасы болып табылады. Алынған ҰҰА-лардың бірі әуе базасында персонладарды даярлау үшін пайдаланылады. 1/33-ші эскадрилья құрамындағы қалған аппараттар «Ниамей» (Нигер) экспедициялық базасында «Бархан» операциясын қолдау үшін орналастырылған. ҰҰА-ның жалпы шабуылы 21 мың сағаттан асты.

 Үшінші және төртінші кешендер радиоэлектронды барлауға арналған пайдалы жүктемені ала алатын, ҰҰА-ны басқару, жауынгерлік жүйелерді және деректерді беруді басқару үшін жеке ақпараттық алмасу арналарымен жабдықталған 5-блок нұсқада жеткізіледі. бастапқыда жеткізілген Блок 1 нұсқасындағы ҰҰА соныңда Блок 5 нұсқасына жаңартылуы тиіс.

  

 

Дереккөз : https://www.belvpo.com/ru/96578.html/

 

Министр блогы
Қ.А. Жұмағалиев
Қазақстан Республикасының Цифрлық даму, инновациялар және аэроғарыш өнеркәсібі министрі

 

Top