VI Халықаралық қару-жарақ және технология көрмесінің өткізілу уақыты 2021 жылғы 10-13 маусымға шегерілгендігі туралы
16.03.2020 15:35

Қазақстан Республикасы индустрия және инфрақұрылымдық даму министрлігі COVID-19 коронавирусы таралуының өсуіне және Қазақстан Республикасы Премьер-Министрінің қабылдаған шешіміне байланысты «KADEX-2020» VI Халықаралық қару-жарақ және технология көрмесінің өткізілу уақыты 2021 жылғы 10-13 маусымға шегерілгендігі туралы хабарлайды.

Қалыптасқан жағдайды түсінгені үшін алғысымызды білдіреміз және көрмеге қатысушылар мен делегаттар алдында қабылданған міндеттемелерді орындау бойынша барлық қажетті шараларды орындауға дайын екендігіміз туралы хабарлаймыз.

VI ХАЛЫҚАРАЛЫҚ «KADEX -2020» ҚАРУ-ЖАРАҚ ЖӘНЕ ТЕХНОЛОГИЯЛАР КӨРМЕСІ
03.02.2020 20:38
Вьетнам Ресейге Як-130 оқу-жауынгерлік ұшақтарына тапсырыс берді
30.01.2020 20:30

 

2020 жылғы 29 қаңтар

                        Як-130 (фотодағы) /Wikipedia

 

Вьетнам мен Ресей құны $ 350 млн. асатын Як-130 оқу-жауынгерлік ұшақтарын жеткізуге келісімшарт жасасты. Бұл туралы «Ведомости» газеті дереккөздерге сілтеме жасай отырып хабарлады.

 

Газеттің мәліметтері бойынша, сатып алынатын Як-130 эскадрилья 1980-ші жылдардың басынан Вьетнамға жеткізілетін ескірген чехословакиялық L-39 ауыстырады.

 

«Экспорт вооружений» журналының бас редакторы Андрей Фролов «Ведомости» газетіне, «Як-130 ұшақтарын сатып алу Су-30СМ немесе Су-35 сияқты заманауи жойғыштарды одан әрі жеткізу үшін мүмкіндіктер ашады» деп мәлімдеді. Як-130 ұшағы сыртқы нарықта Белоруссия мен Мьянма сатып алған Як-130 оқу және жауынгерлік машиналардан кешен бөлігі ретінде алға жылжиды, оның артынан Су-30СМ-ді келісімшартқа қойды, деп атап өтті ол.

 

Як-130 сериялық түрде «Иркут» корпорациясы (ОАК-ға кіреді) жасайды, ұшқыштарды оқыту мен жауынгерлік даярлыққа, сондай-ақ әуе және жер үсті мақсаттары бойынша қолдануға арналған. Ол «4+» және «5» қатарының әскери ұшақтары үшін Ұшқыштарды оқытуға мүмкіндік береді.

 

Дереккөз: https://www.vedomosti.ru/politics/articles/2020/01/29/821674-vetnam-zaklyuchil

 

 
Пайдаланылмайтын мүлікті өткізу қызметтерін көрсету бойынша комиссиялық сыйақы
17.01.2020 17:31

Пайдаланылмайтын мүлікті өткізу қызметтерін көрсету бойынша комиссиялық сыйақы

 

Қазақстан Республикасы Үкіметінің 2009 жылғы 06.11. № 832 қаулысымен бекітілген Пайдаланылмайтын мүлікті беру, өткізу, құртып жіберу, кәдеге жарату, көму арқылы жою және қайта өңдеу, сондай-ақ пайдаланылмайтын қорғаныс объектілерін мүліктік жалдауға (жалға) беру қағиданың (бұдан әрі-Қағида) 22-тармағына сәйкес «Қазарнаулыэкспорт (Казспецэкспорт)» РМК бас директорының 2020 жылғы 09.01 № 2 бұйрығымен пайдаланылмайтын мүлікті өткізу қызметтерін көрсету бойынша комиссиялық сыйақы деңгейі 15% мөлшерінде бекітілді.

 Қағиданың 42 тармағына сәйкес Сатып алушы сатушыға лотты сату бағасының 15% мөлшерінде комиссиялық сыйақы төлейді.

Сыйақы төлеудің толық тәртібі Қағидада көрсетілген.

 

 

Кәсіпорын делегациясы «Белтехэкспорт» ЖАҚ жұмысының тәжірибесімен танысты
20.12.2019 11:19

Қазақстан-Беларусь сауда-экономикалық ынтымақтастық жөніндегі үкіметаралық комиссияның әскери-техникалық ынтымақтастық жөніндегі кіші комиссиясының 10-шы отырысының хаттамасын орындау шеңберінде ҚР ИДМ «Қазарнаулыэкспорт (Казспецэкспорт)» РМК делегациясы Бас директор Қ.С. Нұрпейісовтың басшылығымен 2019 жылғы 9-12 желтоқсан аралығында Беларусь Республикасына барды.

Сапардың мақсаты пайдаланылмайтын ҚӘТ өткізу тәртібі мәселелері бойынша тәжірибе алмасу, сондай-ақ Кәсіпорын делегациясын ҚӘТ жөндеу және жаңғырту бойынша Беларусь Республикасының ҚӨК кәсіпорындарының мүмкіндіктерімен таныстыру болды.

Сапар мақсатына сәйкес делегация «Белтехэкспорт» ЖАҚ басшылығымен жұмыс кездесуін өткізді және ҚӨК кәсіпорындарына барды: «БСВТ – новые технологии» ЖШҚ, «52566 завод по ремонту радиоэлектронного вооружения» ААҚ, «140 ремонтный завод» ААҚ, «558 авиационный ремонтный завод» ААҚ.

Сапардың нәтижелері бойынша «Белтехэкспорт» ЖАҚ басшылығымен әскери-техникалық ынтымақтастықты дамытудың негізгі бағыттарын айқындайтын жұмыс кездесуінің хаттамасына қол қойылды.

 

Қазақстан Парламенті Түркиямен әскери ынтымақтастық туралы келісімді ратификациялады
09.12.2019 08:59

Қазақстан Парламентінің Сенаты бейсенбі күні пленарлық отырыста «Қазақстан Республикасының Үкіметі мен Түрік Республикасының Үкіметі арасындағы Әскери ынтымақтастық туралы келісімді ратификациялау туралы» заңды қабылдады, деп хабарлады «Интерфакс-Қазақстан» агенттігінің тілшісі.

Анкарада 2018 жылғы 13 қыркүйекте келісімге қол қойылды.

          Құжаттың негізгі мақсаты Қазақстан мен Түркия арасындағы тең құқықтық және өзара тиімділік қағидаттары негізінде ұзақ мерзімді әскери ынтымақтастықты одан әрі дамыту болып табылады.

          Екі ел арасындағы өзара іс-қимыл әскери даярлық және оқыту, бірлескен оқу-жаттығулар өткізу, қорғаныс өнеркәсібі, бітімгершілік операциялары, әскери, ғылыми және техникалық зерттеулер сияқты әскери ынтымақтастық салаларын және басқа да бірқатар бағыттарды қамтиды.

          Келісім шеңберінде тараптар ынтымақтастықтың жылдық жоспарларын әзірлейтін болады.

 

Дереккөз: ИНТЕРФАКС-ҚАЗАҚСТАН, 2019 жылғы 5 желтоқсан.                   Нұр-Сұлтан қаласы.

Кәсіпорын қызметіне қатысты Қазақстан Республикасы Үкіметінің күші жойылған кейбір шешімдерінің тізімі
06.12.2019 09:05

 

 

Қазақстан Республикасының 2019 жылғы 18 наурыздағы «Қорғаныс өнеркәсібі және мемлекеттік қорғаныс тапсырысы туралы» № 236-VІ ЗРК Заңымен қорғаныс өнеркәсібі, Мемлекеттік қорғаныстық тапсырысы саласындағы қоғамдық қатынастар, сондай-ақ қару-жарақ пен әскери техника айналымының жекелеген мәселелері реттеледі.

Қазақстан Республикасы Үкіметінің 2019 жылғы 29 тамыздағы № 637 бұйрығымен Қазақстан Республикасы Индустрия және инфрақұрылымдық даму министрлігінің «Қазарнаулыэкспорт (Казспецэкспорт)» шаруашылық жүргізу құқығындағы республикалық мемлекеттік кәсіпорны әскери мақсаттағы тауарларды (өнімдерді), қосарланған мақсаттағы (қолданыстағы) тауарларды (өнімдерді), әскери мақсаттағы жұмыстар мен әскери мақсаттағы көрсетілетін қызметтерді импорттауды, оқ-дәрілерді қоспағанда, пайдаланылмайтын мүлікті өткізуді (оның ішінде экспорттауды), құртып жіберу, кәдеге жарату, көму арқылы жоюды және қайта өңдеуді, пайдаланылмайтын қорғаныс объектілерін мүліктік жалдауға (жалға) беру жөнінде қызметтер көрсетуді, қорғаныс өнеркәсібі саласындағы халықаралық көрмелерге қатысуды және оларды Қазақстан Республикасының аумағында ұйымдастыруды жүзеге асыратын уәкілетті ұйымын анықтады.

Қазақстан Республикасы Үкіметінің 2019 жылғы 6 қарашадағы №832 қаулысымен Пайдаланылмайтын мүлікті беру, өткізу, құртып жіберу, кәдеге жарату, көму арқылы жою және қайта өңдеу, сондай-ақ пайдаланылмайтын қорғаныс объектілерін мүліктік жалдауға (жалға) беру қағидалары бекітілді.

 

Кәсіпорын қызметіне қатысты Қазақстан Республикасы Үкіметінің күші жойылған кейбір шешімдерінің

тізімі

 

  1. «Әскери мүлік айналымының жекелеген мәселелері» Қазақстан Республикасы Үкіметінің 2001 жылғы 7 тамыздағы № 1039 қаулысы.
  2. «Әскери мүлік айналымының кейбір мәселелері» туралы Қазақстан Республикасы Үкіметінің 2008 жылғы 16 шілдедегі №687 қаулысының
    3-тармағы (Қазақстан Республикасының ПҮАЖ-ы, 2008 ж., № 32, 338-бап).
  3. «Қазақстан Республикасы Үкіметінің 2001 жылғы 7 тамыздағы №1039 қаулысына өзгеріс енгізу туралы» Қазақстан Республикасы Үкіметінің 2009 жылғы 24 қарашадағы №1920 қаулысы.
  4. «Қазақстан Республикасы Үкіметінің кейбір шешімдеріне өзгерістер мен толықтырулар енгізу туралы» Қазақстан Республикасы Үкіметінің 2011 жылғы 24 мамырдағы №565 қаулысымен бекітілген Қазақстан Республикасы Үкіметінің кейбір шешімдеріне енгізілетін өзгерістер мен толықтырулардың 1-тармағы (Қазақстан Республикасының ПҮАЖ-ы, 2011 ж., №39, 491-бап).
  5. «Әскери мүлік айналымының жекелеген мәселелері» туралы Қазақстан Республикасы Үкіметінің 2001 жылғы 7 тамыздағы № 1039 қаулысына өзгеріс енгізу туралы» Қазақстан Республикасы Үкіметінің 2017 жылғы 6 сәуірдегі № 173 қаулысы (Қазақстан Республикасының ПҮАЖ-ы, 2017 ж., №12, 85-бап).

6. «Қазақстан Республикасы Үкіметінің кейбір шешімдеріне өзгерістер мен толықтырулар енгізу туралы» Қазақстан Республикасы Үкіметінің 2017 жылғы 8 қарашадағы №724 қаулысымен бекітілген Қазақстан Республикасы Үкіметінің кейбір шешімдеріне енгізілетін өзгерістер мен толықтырулардың 1-тармағы (Қазақстан Республикасының ПҮАЖ-ы, 2017 ж., №58, 361-бап).

 

 

Страница 1 из 27

Top