Хорватия билігі Израильден «Баракка» түрлендірілген F-16 жауынгерлік жойғыштар эскадрильясын сатып алады. Мұндай шешім 2018 жылғы 27 наурызда өткен Ұлттық қорғаныс кеңесі отырысының қорытындысында айтылды.
«РИА Новости» агенттігінің хабарлауынша, Хорватия 2017 жылы жойғышты жеткізуге конкурс жариялады. Ұсыныстарды Греция, Израиль, Швеция және АҚШ ұсынды.
Хорватиялық БАҚ мәліметтері бойынша, мәміле ұлттық бюджетке
420 млн. еуроға түседі. Бұл ақшаға ел қару-жарағы бар 12 жаңғыртылған F-16 және екі авиасимулятор алады, ал жауынгерлік ұшқыштар мен әуе техникалары оқу-жаттығудан өтеді. Жеткізу ресми түрде Израиль мемлекеті тарапынан қолдау тапты.
Израильдің негізгі бәсекелесі қару-жарақсыз және мемлекеттік кепілдіктерсіз 900 млн еуроға ұсынылған Gripen JAS-39 жойғыштары бар Saab швед компаниясы болды.
«Қорғаныс Кеңесі Хорватия қорғаныс министрлігінің сараптамалық тобының көп мақсатты жауынгерлік ұшақ бойынша ең тиімді ұсынысты Израиль тарапы жасағандығы туралы пікірі мен ұсыныстарын ескерді», – деп мәлімдеді ел президенті Колинда Грабар-Китарович.
Ұшақтың жұмысы 30 жылға созылады деп күтілуде. Болжамдар бойынша бірінші F-16 Хорватияға 2020 жылдың жазында келеді. Пайдаланылған израильдік ұшақтар ескірген Кеңестік МиГ-21 жойғышын алмастыруға тиіс.
Дереккөз: https://военное.рф/2018/ТорговляОружием53/