П.И. Баранов атындағы орталық авиациялық мотоқұрылыс институтының басшысы Михаил Гордин жобаның нашар қаржыландырылатынын атап өтті.
МӘСКЕУ, 29 маусым. /ТАСС/. Ресейде алтыншы буынды авиақозғалтқыштармен жұмыс жүргізілуде, ол туралы Федералды кеңес отырысында П.И. Баранов атындағы орталық авиациялық мотоқұрылыс институтының (ОАМИ) басшысы Михаил Гордин хабарлады.
«Алтыншы буынды қозғалтқыштарды озық әзірлеу жүргізілуде» деді ол, бұл ретте жобаның нашар қаржыландырылатынын атап өтті.
Бұрын хабарланғанындай Біріктірілген қозғалтқыш жасау корпорациясы (БҚК) бесінші буынды Су-57 ең жаңа жойғыштары үшін АЛ-41Ф-1 тәжірибелік турбореактивті қозғалтқыштарын (ПАК ФА) мемлекеттік стендтік сынауды аяқтаған.
АЛ-41Ф-1 бесінші буынды жойғыштар үшін бірінші кезең қозғалтқыштарының функциясын орындайды. Алғашқы ПАК ФА сынақ ұшуы 2010 жылғы 29 қаңтарда өткізілді.
Қазіргі уақытта БҚК Су-57 үшін екінші кезең қозғалтқыштарымен жұмыс жасауда. 2017 жылғы5 желтоқсанда екінші кезең қозғалтқышы бар ұшақ алғаш рет аспанға көтерілді, ұшу штаттық режимде өтті.
Бұрын БҚК бас директоры Александр Артюхов Су-57 бесінші буын жойғышы үшін екінші кезең қозғалтқышының әліресми атауға ие болмағанын және «30-бұйым» деген шартты атауда тұрғанын хабарлаған.
Ақпарат көзі:
https://vpk.name/news/220011_aviacionnyie_dvigateli_shestogo_pokoleniya_razrabatyivayut_v_rossii.html
